今年的復活節假期 + 清明節連續放假五天，難得的長期假，蘿蔔伉儷如何渡過呢 ?
Day 1 - 蘿蔔佬一早出車 training，蘿蔔人就在家中用 skywalker training。下午先替兩位鸚鵡大佬 ah bee & 旦旦沖涼洗籠兼吹毛，之後就向難度挑戰，一次過幫四隻蘿蔔貓貓 - milk / mike / botti / jheena 沖涼吹毛。由於開了暖風機 + salon 用的大風筒，四個鐘頭已經可以收工。蘿蔔伉儷雖然勞動到腰骨痛，但十分有滿足感。
Day 2 - 到銅鑼灣 hea 了一個下午。先去 ikea 逛了一個多小時，然後去車記食車仔麵 + 點心，之後去 project eyewear 配新眼鏡，跟住蘿蔔佬去剪髮，最後去滿記食甜品。
Day 3 - 上午去山頂行大運，下午去銅鑼灣 / 天后 / 北角逛寵物店，希望可以找到 iris 812 的雙層貓籠，可惜無功而回。
Day 4 - 上午去文武廟替蘿蔔佬屋企人攝太歲，中午到尖沙咀凱悅酒店食 lunch buffet。嘩，一個平靚正 & 物有所值的自助午餐。食物款式十分豐富，尤其是有頗多中式食品，適合一家大小享受。[冷盤海鮮] 凍蝦 / 凍蟹腳 / 凍青口味道鮮甜，反而凍龍蝦一般 [意式] parma ham & pizza [中式] 牛筋腩 / 各款點心 / 蒸魚 / 炒時蔬 / 各款燒味 / 烚下烚下各款粉麵 [湯] 南瓜湯好 ! 好 ! 好 ! 青紅蘿蔔豬展湯無味精 [魚生] 即叫即切 [天婦羅] 即叫即炸 [燒烤] 各款肉腸 / 各款海鮮即叫即燒 [生果] 杯裝什果 / 杯裝士多啤梨 [甜品] 好多款式，目不暇給，有 tiramisu / napolean / cheese cake / cream cake / 杯裝香芒布丁 / 杯裝椰子奶凍 / 朱古力軟雪糕 / 雲呢嗱軟雪糕 . . . 食品太多，未能一一儘錄。黃昏回家後開始 "煲" DVD - The Edge of Darkness (ok 好睇)， Shutter Island (情節緊湊，好好睇)， The Soloist (好睇)。
Day 5 - 長期假最後一天，繼續 "煲" DVD - Crazy Heart (ok 好睇)，The Stepfather (好驚，好好睇)。晚上煮飯仔，收拾心情預備開工。
No comments:
Post a Comment